Læra.is er vettvangur fyrir námskeið.

Hér að neðan er brot af þeim spurningum sem við höfum fengið og svör við þeim.

Hafir þú spurningar til okkar þá endilega hafðu samband við okkur.

Fyrir áhugasama um námskeið

Hvernig skrái ég mig?
Þegar þú hefur séð það námskeið sem þú hefur áhuga á skráir þú þig á þar til gerðum hnappi og með því lætur þú okkur vita af áhuga þínum á námskeiðinu. Með því að skrá þig ert þú einungis að láta vita af áhuga þínum.

Hvert er ferlið eftir skráningu?
Eftir að þú hefur skráð þig færð þú staðfestingu frá vefnum um skráninguna. Þegar tilætluðum fjölda er náð á námskeiðið er sett á það dagsetning. Því næst sendum við póst á alla áhugasama um námskeiðið og biðjum þá að staðfesta skráningu sína og ganga frá greiðslu inni á vefnum.

Er námskeiðið niðurgreitt af stéttarfélaginu mínu?
Flest stéttarfélög greiða niður námskeið félagsmanna sinna. Best er fyrir þig að snúa þér til stéttarfélags þíns og spyrja þá.

Hvar eruð þið til húsa?
Við erum í Hamraborg 20 í Kópavogi.

Fæ ég námskeiðsgögn heim með mér?
Það er alfarið komið undir námskeiðshaldaranum og námskeiðinu sem þú sækir. Námskeiðshaldarar leggja flestir það mikinn metnað í námskeiðin að námskeiðsgögn fylgja með heim að námskeiði loknu. Mikilvægt er að koma alltaf með skriffæri og blöð á námskeið.

Eru þetta fjölmenn námskeið?
Það fer eftir eðli námskeiðs en í flestum tilfellum erum við að tala um 12 – 18 manna námskeið.

Fyrir áhugasama námskeiðshaldara

Kostar eitthvað að skrá námskeið?
Það kostar ekkert að skrá námskeið á vefinn. Leitið til okkar fyrir frekari upplýsingar um skráninguna. Athugið að hægt er að skrá námskeið þó svo að endanlegt kennsluefni liggi ekki fyrir.

Hvað kostar að halda námskeið?
Samið er sérstaklega við hvern og einn, eðli síns vegna er ódýrara að halda eitt 3ja tíma námskeið en fjögur 3ja tíma.

Skráið þið bara fullbúin námskeið?
Hægt er að skrá námskeið þó svo að endanlegt kennsluefni liggi ekki fyrir. Vinsamlega leitið til okkar til frekari upplýsinga.

Get ég skoðað aðstöðuna?
Þér er velkomið að koma til okkar hvenær sem er og skoða aðstöðuna. Betra er þó að gera boð á undan sér.